Pulsa sobre as imaxes para velas a tamaño completo.
Traballar co amarelo para min é entrar no terreo da enfermidade mental, da melancolía, da Tristeza Profunda, xerar imaxes moi difíciles de conxelar pero nas que me empeño.
Que pretendo, entón, cos Transplantes de Suicidio?
A maioría das persoas que teñen experimentado algunha vez o suicidio, posteriormente alégranse de estar vivos. Din que non querían poñer fin ás súas vidas, tan só desexaban evitar a pena. O suicidio aparece como a opción razoada de poñer fin a un sufrimento insoportable. Os Transplantes de Suicidio materializarían esta situación: moitas persoas teñen sentido, directa ou indirectamente, depresión e instinto suicida nalgún período da súa vida. Se tivesen a oportunidade de achegarse a esta experiencia e visualizar o fin do seu sufrimento, engancharíanse de novo á vida. Neste proceso é onde se materializa o transplante.
